Ordumuz beynəlxalq hərbi tədqiqat mərkəzlərinin hesabatlarında dünyanın güclü ordularından biri kimi qiymətləndirilir

İkinci Qarabağ müharibəsi Azərbaycan hərb tarixinin ən şanlı səhifəsi kimi əbədi olaraq tariximizə yazıldı. 44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə şanlı ordumuz tarixi torpaqlarımızı işğaldan azad etdi, ərazi bütövlüyümüz bərpa olundu. Bu fikirləri AZƏRTAC-a açıqlamasında AMEA Hüquq və İnsan Haqları İnstitutunun direktoru, hüquq üzrə elmlər doktoru, professor Aytən Mustafazadə deyib.

“İradə ifadə edilməsi azadlığının təmin edilməsi sahəsində normativ-hüquqi tənzimlənmə islahatları” mövzusunda videokonfrans keçirilib

Müstəqil Dövlətlər Birliyinin Parlamentlərarası Assambleyasının iştirakçısı olan dövlətlərdə Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutun (MDB PAA DİMBİ) Bakı filialı tərəfindən iyunun 30-da “İradə ifadə edilməsi azadlığının təmin edilməsi sahəsində normativ-hüquqi tənzimlənmə islahatları” mövzusunda videokonfrans keçirilib. Tədbirdə AMEA-nın Hüquq və İnsan Haqları İnstitutunu bu elmi qurumun Beynəlxalq münasibətlər və insan hüquqları şöbəsinin müdiri Cahangir Cahangirli təmsil edib.

Azərbaycan Respublikası Milli Məclisinin MDB PAA-da səlahiyyətli nümayəndəsi Aydın Cəfərov və MDB PAA iştirakçısı olan dövlətlərdə Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutunun (MDB PAA DİMBİ) Bakı filialının direktoru Teymur Muradov ilə görüş keçirilib

İyunun 16-da AMEA-nın Hüquq və İnsan Haqları İnstitutunun direktoru hüquq üzrə elmlər doktoru, professor Aytən Mustafazadə və elmi işlər üzrə direktor müavini filologiya üzrə elmlər doktoru Lalə Əhmədova Azərbaycan Respublikası Milli Məclisinin MDB PAA-da səlahiyyətli nümayəndəsi Aydın Cəfərov və MDB PAA iştirakçısı olan dövlətlərdə Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutunun (MDB PAA DİMBİ) Bakı filialının direktoru Teymur Muradov ilə görüş keçiriblər.

İkinci Qarabağ müharibəsi – Azərbaycanın şanlı qələbəsi

Bütün mövcud mənalarda Qarabağ ərazisi həmişə Azərbaycan ərazisi olmuşdur. Azərbaycanın xarici kommunikasiyasının böyük hissəsi BMT Təhlükəsizlik Şurasının Dağlıq Qarabağ ermənilərinin nəzarəti altında olan rayonların Azərbaycana qaytarılmasına çağıran dörd qərarı ətrafında qurulub. Bu fikirlər AMEA-nın Hüquq və İnsan Haqları İnstitutunun böyük elmi işçisi Vəfa Məmmədovanın IV beynəlxalq elmi araşdırmalar konfransının (6 iyun 2021-ci il) materiallarında yer alan "İkinci Qarabağ müharibəsi – Azərbaycanın şanlı qələbəsi" adlı məqaləsində (səh. 17-21) öz əksini tapıb.

“Аzərbaycanda multikulturalizmin konstitusiya hüquqi əsasları” adlı məqalə nəşr olunub

AMEA-nın Hüquq və İnsan Haqları İnstitutunun “Dövlət təhlükəsizliyinin hüquqi təminatı” şöbəsinin böyük elmi işçisi Xəyalə Kələşovanın “Аzərbaycanda multikulturalizmin konstitusiya hüquqi əsasları” adlı məqaləsi “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda elmi-nəzəri konfransın materiallarında dərc olunub.

İnsan alveri cinayətlərinin tövsifi məsuliyyəti ağırlaşdıran hallar kontekstində araşdırılıb

AMEA-nın Hüquq və İnsan Haqları İnstitutunun Cinayət hüququ və cinayət prosesi şöbəsinin böyük elmi işçisi, hüquq üzrə fəlsəfə doktoru Sevinc Hüseynovanın “İnsan alveri cinayətlərinin tövsifi: məsuliyyəti ağırlaşdıran hallar kontekstində” adlı məqaləsi “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda elmi-nəzəri konfransın (5 may 2021-ci il) materiallarında dərc olunub.

Nəşrlər

Müsahibələr