AMEA Hüquq və İnsan Haqları İnstitutnun yeni nəşri olan bu monoqrafiya iştirakçılıqla törədilən qəsdən adam öldürmə cinayətlərinə görə məsuliyyət məsələlərinin həlli sahəsində mövcud elmi nəzəri biliyi dərinləşdirir, bu sahədə hüquq düşüncəsini irəliyə doğru aparır. Monoqrafiyanın müddəalarından hüquqşünaslıq ixtisası üzrə ali təhsil verən tədris müəssisələrində cinayət hüququ kursu üzrə mühazirələrin, seminar məşğələlərin aparılması, dərs vəsaitləri, dərslik, tədris proqramları və elmi-tədqiqat işlərinin hazırlanması üçün istifadə oluna bilər. Burada əksini tapan elmi nəticələr, təklif və tövsiyələr cinayət hüququ normalarının düzgün tətbiqi, qanunvericiliyin və məhkəmə təcrübəsinin təkmilləşdirilməsi üçün faydalı ola bilər.

Vəsaitin əsasını məhkəmə və istintaq təcrübəsinin həqiqi epizodları, ağır rezonanslı cinayət işləri üzrə prosessual sənədlər, bu işlərə dair BMT-nin İnsan Hüquqları Komitəsinin və Avropa İnsan Hüquqları Məhkəməsinin qərarları təşkil edir. Proses iştirakçıları tərəfindən edilən səhvlərin və boşluqların təhlili onların təkrarlanmasının aradan qaldırılmasına, oxşar və bənzər hallarda peşəkar məhkəmə fəaliyyətinin həyata keçirilməsinin ən optimal yollarını müəyyən etməyə imkan verəcəkdir.

Dərs vəsaiti Azərbaycan Respublikasının qanunvericiliyi və müasir hüquq ədəbiyyatında əks etdirilən məlumatlar, habelə Təhsil Nazirliyinin təsdiq etdiyi və müəlliflər tərəfindən hazırlanmış bu predmet üzrə tədris proqramı və tədris- metodiki vəsaitin […]

Bu cild Avropanın və Avrasiya dövlətlərinin məhkəmə sistemlərində üç cildlik elmi və ensiklopedik nəşrin birinci hissəsidir. Bu cild Qərbi və Şimali  Avropa məhkəmə sistemləri araşdırılır.İkinci cilddə Cənubi və Şərqi Avropa ölkələrinin məhkəmə sistemləri təqdim olunmuşdur, üçüncü cild isə Avrasiya regionu ölkələrinin məhkəmə sistemlərini nəzərdən keçirir, həmçinin Avropa və Avrasiya ölkələrinin məhkəmə sistemlərinin müqayisəli hüquqi təhlili təmin edir, məhkəmə sistemləri haqqında ümumi statistik məlumatlar verir və hər bir ölkə üçün məhkəmələrin effektivliyini qiymətləndirir. Elmi ensiklopedik nəşr Rusiyada və xarici ölkələrdə məhkəmə sisteminin təşkili ilə maraqlanan tələbələr, magistr tələbələri, hüquq məktəbləri və fakültələri müəllimləri, eləcə də tədqiqatçılar, hakimlər, məmurlar və digər mütəxəssislər üçün nəzərdə tutulmuşdur.

Bu monoqrafiya insan və vətəndaşların əsas konstitusion hüquqlarından biri kimi sağlamlığın qorunması hüququnun təhlilinə həsr olunmuşdur. Müəllif bu monoqrafiyada sağlamlığın və onun qorunmasının anlayışını, sağlamlığın qorunmasının əsas prinsiplərini, sağlamlığın qorunması hüququnun yaranması və inkişaf tarixini, sağlamlığın qorunması hüququnun hüquqi təbiətini və məzmununu, sağlamlığın qorunması hüququnun mənbələrini, sağlamlığın qorunması hüququnun dövlətdaxili və beynəlxalq təminatlarını, habelə sağlamlığın qorunması hüququnun dolğun təminatının mühüm şərti kimi tibbi yardım sisteminin inkişaf perspektivlərini ətraflı şəkildə araşdırmışdır.

Bu kitab uşaqları internet asılılığından, internetin mənfi tərəflərindən (bəzi internet oyunları uşaqların ölümünə səbəb olur) qorumaq və uşaqların sağlam gələcəyini təmin etmək istəyən valideynlər, mütəxəssislər, ümumiyyətlə, internet asılılığı problemləri ilə maraqlanan geniş oxucu kütləsi üçün nəzərdə tutulmuşdur.

Monoqrafiyada Azərbaycan Respublikası Dövlət Arxivinin və Azərbaycan Dövlət Tarix Arxivinin sənədləri, həmçinin dövri mətbuatın materialları əsasında Azərbaycan Xalq Cümhuriyyətinin siyasi, iqtisadi və sosial həyatında yəhudi etnik qrupu nümayəndələrinin iştirakı məsələləri ətraflı işıqlandırılır.

Bu tədris-metodik vəsaitdən hüquq və tibb təhsili verən ali təhsil müəssisələrinin müəllimləri, magistrantları, doktorantları və tələbələri, səhiyyə və sosial xidmət işçiləri və bütövlükdə tibbi fəaliyyətin hüquqi tənzimi məsələləri ilə maraqlanan hər kəs yararlana bilər.

Bu dərs vəsaitində müqaisəli hüququn anlayışı, predmeti və mahiyyəti araşdırılır. Müqaisəli hüquqşünaslığın yaranma tarixi və formalaşması, təkmilləşməsi prosesi, onun metod, elm və ya tədris fənni olması məsələsinə aydınlıq gətirilmişdir. Dünyada mövcud hüquq sistemləri, hüquq ailələri, bütövlükdə dünyanın hüquq xəritəsi təhlil olunur. Əsas hüquq sistemlərinin oxsar və fərqli cəhətləri araşdırılır.

Kitab erməni ədəbiyyatının klassiklərindən biri olan Aqafangelin əsərinin tənqidi təhlilinə həsr edilmişdir. Aqafangelin əsəri yeganə mənbədir ki, onun əsasında guya 301-ci ildə tarixdə ilk dəfə olaraq xristianlığın mifik “haylar ölkəsi”nin dövlət dini elan edilməsi barədə hay tarixi ənənəsinin əfsanəsi yaradılmışdır. Kitabda aparılan ətraflı təhlillər sübut edir ki, Aqafangelin əsəri qətiyyən heç bir səhih tarixi informasiyaya malik deyil və cəfəng, anti-tarixi, xronologiyası olmayan uydurmaların kompilyasından və Bibliyadan edilmiş çoxsaylı plagiatdan ibarətdir. Aqafangelin “Hayların tarixi” əsərinin əsl məzmununun açılması radikal etnik millətçiliyə mübtəla olmuş hay tarixi ənənələr nəzəriyyəsinin iflası deməkdir.