AMEA-nın Hüquq və İnsan Haqları İnstitutunun baş elmi işçisi, tarix elmləri doktoru, professor Həcər Verdiyevanın "Zəfər paradı Qələbəmizin rəmzidir" başlıqlı elmi-publisistik məqaləsi sonxeber.az saytında yayımlanıb. Məqalədə qeyd olunub ki, 10 dekabr 2020-ci ildə Bakıda, Azadlıq Meydanında keçirilən Zəfər paradı Ordumuzun qüdrətini, Azərbaycan-Türkiyə qardaşlığını, Ermənistanın məğlubiyyətini bütün dünyaya nümayiş etdirdi. Bu parad döyüşlərdən qalib çıxmış, düşməni dəmir yumruqla əzmiş əsgərlərimizin, zabitlərimizin, gizirlərimizin qalibiyyət yürüşü idi. Bu, hər bir azərbaycanlının səbirsizliklə gözlədiyi qələbəmizin paradı idi.

Azərbaycan 2020-ci ilin payızında 44 günlük müharibə nəticəsində öz ərazilərini erməni işğalından azad etdikdən sonra Cənubi Qafqazın tarixində yeni dövr başlayıb. Daim alovlanan Ermənistan-Azərbaycan münaqişəsinin həlli üçün mühüm şans yaranıb. bir əsrdən çoxdur. İşğal edilmiş ərazilərdə minlərlə dağıdılmış şəhər və kəndlər, qəbiristanlıqlar, məscidlər, kilsələr və digər tarix və memarlıq abidələri qalmışdır. Bu irsin, ilk növbədə dini və tarixi yerlərin bərpası sürətlə davam edir. Bu fikirlər AMEA-nın Hüquq və İnsan Haqları İnstitutunun baş elmi işçisi, "Qafqaz Tarixi Mərkəzi"nin direktoru Rizvan Hüseynovun "İrs History" jurnalında ingilis dilində işıq üzü görən "Christian heritage of Karabakh as ‘apple of discord': Overview of conflict history" (“Qarabağın xristian irsi “nifaq alması” kimi: münaqişə tarixinə baxış”) adlı məqaləsində yer alıb.

Bu gün AMEA-nın Hüquq və İnsan Haqları İnstitunun 2021-ci il üçün elmi və elmi-təşkilati fəaliyyəti barədə hesabat iclası keçirilib. İclasda çıxış edən İnstitutun baş direktoru hüquq üzrə elmlər doktoru, professor Aytən Mustafazadə öncə Azərbaycan Respublikası Prezidentinin Fərman və sərəncamlarının, həmçinin qəbul edilmiş Dövlət Proqramlarının icrasından irəli gələn elmi tədqiqat işlərindən danışıb.

Dekabrın 6-da Azərbaycan Respublikasının Diasporla İş üzrə Dövlət Komitəsi, Qarabağ Azadlıq Təşkilatı və Beynəlxalq Qarabağ Forumunun birgə təşkilatçılığı ilə “Arsak: tarix və müasirlik” mövzusunda onlayn beynəlxalq elmi-praktiki konfrans keçirilib. AMEA-nın Hüquq və İnsan Haqları İnstitutunun baş elmi işçisi, tarix elmləri doktoru, professor Həcər Verdiyeva İnstitutumuzu həmin konfransda təmsil edərək “Həqiqət matrisasında: Qarabağın tarixi haqqında” çıxış edib.

AMEA-nın Hüquq və İnsan Haqları İnstitutunun baş elmi işçisi, "Qafqaz Tarixi Mərkəzi"nin direktoru Rizvan Hüseynovun "Azerbaijan’s territory referenced in arab, muslim medieval sources" (Azərbaycan ərazisi orta əsrlərə aid ərəb, müsəlman mənbələrində təsvir olunub) başlıqlı məqaləsi Journal "IRS-History"də çap olunub. Məqalədə qeyd olunur ki, Azərbaycan 44 günlük Vətən müharibəsində parlaq qələbə qazandıqdan və ərazilərini işğaldan azad etdikdən sonra dünya ictimaiyyətinin diqqəti yenidən Ermənistan-Azərbaycan münaqişəsinə və Cənubi Qafqaz regionuna yönəlib.

“Almanların köçkün həyatı” mövzusunda beynəlxalq elmi-praktiki konfrans keçirilib. Alman - Azərbaycan Cəmiyyətinin təşəbbüsü ilə təşkil olunan onlayn tədbir İkinci dünya müharibəsi dövründə (1941-ci ilin oktyabrı) Azərbaycan SSR-də yaşayan almanların deportasiya olunmasının 80 illiyinə həsr olunub. Onlayn tədbirdə AMEA-nın Hüquq və İnsan Haqları İnstitutunun baş elmi işçisi, tarix elmləri doktoru, professor Həcər Verdiyeva məruzə edib.

Azərbaycan Respublikası Vəkillər Kollegiyasının üzvlüyünə qəbulla bağlı ixtisas imtahanlarını müvəffəqiyyətlə vermiş namizədlərin peşə fəaliyyətinə buraxılmaları məqsədilə 10.11.2021-ci il tarixdən 09.12.2021-ci il tarixədək Ədliyyə Akademiyasında distant formada icbari təlim kursunun keçirilməsi nəzərdə tutulub. Bununla əlaqədar olaraq, 30 noyabr tarixində Hüquq və İnsan Haqları İnstitutunun baş direktoru, hüquq üzrə elmlər doktoru, professor Aytən Mustafazadə tərəfindən vəkilliyə namizədlərə «Tibb hüququ –yeni kompleks hüquq sahəsi kimi: ümumi xarakteristikası» mövzusu tədris edilib.

Bu fikirlər Azərbaycan Milli Elmlər Akademiyasının Hüquq və İnsan Haqları İnstitutunun baş direktoru, hüquq üzrə elmlər doktoru, professor Aytən Mustafazadənin AZTV-nin "Xəbərlər" verilişinə müsahibəsində səsləndirilib. Alim ölkəmizdə yaşayan azsaylı xalqların və millətlərin ötən il 44 günlük Vətən müharibəsində nümayiş etdirdikləri birliyi, həmrəyliyi yüksək qiymətləndirib. Qeyd edib ki, Vətən müharibəsi günlərində vətənpərvər azərbaycanlı, ahıska türkü, yəhudi, rus, talış, ləzgi, ingiloy, ukrayn, gürcü, alman, kürd, tat, avar gənclərimiz könüllü olaraq hərbi komissarlıqlara müraciət edir, ön cəbhədə torpaqlarımızın azadlığı uğrunda gedən haqq savaşına qoşulub canları, qanları bahasına Vətən müharibəsində iştirak etmək istəyirdilər.

Noyabrın 03-də Azərbaycan Milli Elmlər Akademiyasının (AMEA) Hüquq və İnsan Haqları İnstitutunun və İsrail-Azərbaycan Beynəlxalq Assosiasiyasının (“Azİz”) birgə təşkilatçılığı ilə 8 Noyabr – Zəfər Gününə həsr olunmuş dəyirmi masa keçirilib. Tədbirdə çıxış edən Hüquq və İnsan Haqları İnstitutunun direktoru, hüquq üzrə elmlər doktoru, professor Aytən Mustafazadə Ümummilli lider Heydər Əliyevin “Azərbaycanın çoxmillətli və tolerant ölkə olması bizim böyük sərvətimizdir, üstünlüyümüzdür.

AMEA-nın Rəyasət Heyətinin strukturun təkmilləşdirilməsi və idarəetmənin optimallaşdırılması haqqında 2021-ci il 8 yanvar tarixli qərarına müvafiq olaraq, AMEA-nın Hüquq və İnsan Haqları İnstitutunun baş direktoru vəzifəsinə seçkilər keçirilib. AMEA-nın Humanitar və İctimai Elmlər Bölməsinin Ümumi yığıncağının növbəti onlayn iclasında keçirilən açıq səsvermə nəticəsində professor Aytən Mustafazadə yekdilliklə AMEA-nın Hüquq və İnsan Haqları İnstitutunun baş direktoru vəzifəsinə seçilib və təsdiq edilməsi üçün AMEA Rəyasət Heyəti qarşısında vəsatət qaldırılması barədə qərar qəbul edilib.