Əməkdaşımızın beynəlxalq ekspertlər ilə birlikdə həmmüəllif olduğu monoqrafiyası işıq üzü gördü

Azərbaycan Respublikasının müasir şəraitdə dövlət siyasətinin əsas istiqamətlərindən biri kölgə iqtisadiyyatı ilə mübarizədə uğurlu nəticələrə nail olunmasıdır. Dövlətimiz tərəfindən bu sahədə kompleks xarakterli və institusional tədbirlər həyata keçirilir. İnstitumuzun elmi tədqiqat fəaliyyətində bəhs edilən mövzunun kifayət qədər aktual olduğu diqqətdə saxlanılır.

Alimimizin “Elmi-texniki tərəqqinin mahiyyəti və xüsusiyyətləri” adlı məqaləsi dərc olundu

AMEA-nın Hüquq və İnsan Haqları İnstitutunun Hüquq sahələrinin müqayisəli təhlili şöbəsinin müdiri, hüquq üzrə fəlsəfə doktoru, dosent Zamiq Aslanovun "Elmi-Texniki tərəqqinin mahiyyəti və xüsusiyyətləri" adlı məqaləsi "Tarix və onun problemləri" (2020, xüsusi buraxılış, s.187-192) jurnalının ll Qarabağ savaşında Azərbaycanın qalibiyyətinə həsr olunmuş xüsusi buraxılışında dərc olunmuşdur.

Əməkdaşımızın “İnsan alveri cinayət tərkibinin subyektiv əlamətləri” adlı məqaləsi dərc olunub

Azərbaycan Milli Elmlər Akademiyasının Hüquq və İnsan Haqları İnstitutunun Cinayət hüququ və cinayət prosesi şöbəsinin böyük elmi işçisi, hüquq üzrə fəlsəfə doktoru Sevinc Usub qızı Hüseynovanın "İnsan alveri cinayət tərkibinin subyektiv əlamətləri" adlı məqaləsi "Hüquqi müstəvi" elmi-nəzəri, təcrübi jurnalında (Bakı, 2021, № 1, s.198-204) dərc edilib.

Aytən Mustafazadə Rusiya Xarici İşlər Nazirliyinə müraciət etdi: “Qarabağın statusu məsələsi artıq müzakirə edilmir”

Rusiya Xarici İşlər Naziri Sergey Lavrov 18 yanvarda keçirdiyi böyük bir mətbuat konfransında, döyüş əməliyyatları bitdikdən sonra Dağlıq Qarabağdakı vəziyyətin son tənzimlənməsi mövzusuna toxundu. Rus nazir, xüsusən Qarabağın statusuna toxunaraq, bu məsələnin münaqişə tərəfləri tərəfindən qəsdən təxirə salındığını və həmsədrlərinin, yaxın vaxtlarda bölgəyə səfər edəcəkləri ATƏT-in Minsk qrupu ilə birlikdə həll ediləcəyini qeyd etdi. Lavrov, həmçinin qeyd etdi ki, Dağlıq Qarabağın Ermənistandan ayrılması məsələsi heç vaxt danışıqlar prosesinin gündəmində olmayıb.

Əməkdaşımızın Springer beynəlxalq xülasələndirmə və indeksləmə sisteminə daxil olan nəşrdə məqaləsi çap olunmuşdur

İqtisadi fəaliyyət sahəsində cinayətkarlığın, xüsusən, onun daha mütəşəkkil təzahür formalarının əsas determinantlarından biri “kölgə iqtisadiyyatı”nın mövcudluğudur. Ona görə də “kölgə iqtisadiyyatı” ilə səmərəli mübarizənin təmin edilməsi Azərbaycan Respublikasının dövlət siyasətində əsas istiqamətlərindən birini təşkil edir. Son illərdə ölkəmizdə bu istiqamət üzrə aparılan islahatlar, kompleks institusional tədbirlər “kölgə iqtisadiyyatı”nın, xüsusən, onun daha geniş yayılmış qeyri-rəsmi məşğulluq, ikili mühasibatlığın aparılması kimi xarakterik hallarının xeyli dərəcədə azalmasına imkan vermişdir. Bununla belə, “kölgə iqtisadiyyatı”nın həcmi böyük potensial olduğundan, onunla effektiv mübarizə dövlət büdcəsinin gəlirlərinin artırılması üçün olduqca əhəmiyyət kəsb edir.

Rizvan Hüseynov: Şuşanı reallıqda regionun mədəniyyət mərkəzi kimi hamıya necə qəbul etdirməli…

Şuşanın bölgənin mədəniyyət mərkəzi kimi statusunun daha da məşhurlaşması üçün nələr etmək olar? "Şuşanın bölgənin mədəniyyət mərkəzi statusu formatı ənənəvi olaraq Qarabağ xanlığı və ondan əvvəlki dönəmlərdə mövcud olan ənənələr üzərində qurulacaq" bu fikirləri AMEA-nın Hüquq və İnsan Haqları İnstitutunun baş elmi işçisi, "Qafqaz Tarixi Mərkəzi"nin direktoru Rizvan Hüseynov "Bakı-Xəbər"ə müsahibəsi zamanı bildirib.

Aytən Mustafazadə ermənilər tərəfindən əsgər cəsədinin yandırılması barədə: “Bu, faşist əhval-ruhiyyənin sübutudur”

Yayılmış görüntülərdə bir qrup erməni əsgərinin şəhid olmuş Azərbaycan əsgərinin cəsədini necə yandırdığı göstərilir. Mərhumun hərbi əsir olduğu və yəqin ki, eyni ermənilər tərəfindən öldürüldüyü göz qabağındadır. Bu, Qarabağdakı döyüş əməliyyatları zamanı öldürülən Azərbaycan hərbçilərinin və mülki şəxslərin cəsədlərinə qarşı törədilən təhqir aktlarını əks etdirən ilk video deyil. Qəsdən öldürmə, işgəncə və ya qeyri-insani rəftar ciddi hərbi cinayət və Cenevrə Konvensiyalarının kobud şəkildə pozulmasıdır.

İsrail jurnalında Azərbaycanın qələbəsi haqqında məqalə dərc olunub

İsrailin nüfuzlu "The Times of Israel" jurnalının fransız dilli bölməsində "Multikulturallıq - Azərbaycanın Ermənistan üzərindəki qalibiyyətinin sirli açarı" adlı məqalə dərc olunub. AMEA-nın Hüquq və İnsan Haqları İnstitutunun elmi işçisi Səid Musayevin yazdığı məqalədə son aylarda Fransa mediasında ölkəmizə qarşı aparılan çirkin kampaniyaya, ermənilərin xristian icması olaraq Dağlıq Qarabağda digər xaqlarla birgə yaşaması ilə bağlı beynəlxalq ictimaiyyətdə tərəddüdlər yaratmağa çalışan dairələrə tutarlı cavab verilir. Məqalədə qeyd olunur ki, Azərbaycan ordusunun Qarabağda işğalçı erməni silahlı qüvvələrinə qarşı apardığı 44 günlük əməliyyatlar həm də ədalətin şanlı qələbəsi ilə nəticələndi.

Nəşrlər

Müsahibələr