21 dekabr 2018-ci il tarixində AMEA Hüquq və İnsan Haqları İnstitutunda İnstitut və Prof. Rövşən Mustafayev adına Beynəlxalq Fond tərəfindən təsis edilmiş “Prof. R. Mustafayev”adına medal və sertifikatın təqdim olunma mərasimi keçirilib.

08 oktyabr 2018-ci il tarixində AMEA Hüquq və İnsan Haqları İnstitutu və Qara dəniz və Xəzər dəniz regionu Hüquqşünaslar Asossiasiyasının birgə təşkilatçılığı ilə “Beynəlxalq terrorizm və onunla müasir şəraitdə mübarizə” mövzusunda beynəlxalq konfrans keçirilib.

21 sentyabr 2018-ci il tarixində “Həsrət Yolu” Əsir və Girovlara Kömək İctimai Birliyi Prezident yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi “Ermənistan-Azərbaycan, Dağlıq Qarabağ münaqişəsi zamanı girov götürülmüş mülki əhalinin (qadın və uşaqların) pozulmuş hüquqlarının tədqiqi” mövzusunda layihəsinin yekun təqdimatını keçirib.

8 may 2018-ci il tarixdə AMEA Hüquq və İnsan Haqları İnstitutunda Qadınlar Şurasının təsis yığıncağı keçirilib. İclasda İnstitutun direktor müavini h.ü.e.d. professor Nazim Cəfərli, AMEA Qadınlar Şurasının sədri, Fəlsəfə İnstitutunun şöbə müdiri, Ailə, qadın və uşaq Problemləri üzrə Dövlət Komitəsinin İctimai Şurasının sədri, professor Rəna Mirzəzadə, Fəlsəfə İnstitutunun Qadınlar Şurasının sədri, fəlsəfə elmləri doktoru Lalə Mövsümova, AMEA Qadınlar Şurası Təşəbbüs Qrupunun katibi, f.ü.f.d. Samirə Kadiyeva, İnstitutunun Həmkarlar təşkilatının sədri, şöbə müdiri Leyla Məmmədova və İnstitutun digər əməkdaşları iştirak edirdilər.

3 may 2018-ci il tarixində Azərbaycan Respublikasının Konstitusiya Məhkəməsi, AMEA Hüquq və İnsan Haqları İnstitutu və Qara dəniz və Xəzər dənizi Regionu Ölkələri Hüquqşünasları Assosiasiyasının birgə təşkilatçılığı ilə Azərbaycan Respublikasının Ümummilli lideri Heydər Əliyevin anadan olmasının 95-ci ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda Respublika elmi-nəzəri konfransı keçirilmişdir.

29 mart 2018-ci il tarixində AMEA Hüquq və İnsan Haqları İnstitutunda “Məhkəmə sistemində elektron idarəçilik: elmi və praktiki yanaşma” mövzusunda təqdimat keçirilib. Təqdimat “Məhkəmənin Nəbzi – İdarəetmədə İnqilab”adlı layihənin Avropa Şurasının “Ədliyyənin Kristal Tərəzisi” müsabiqəsində mükafatlandırılması ilə bağlı olub. Tədbiri giriş nitqi ilə institutun direktoru, Milli Məclisin deputatı hüquq üzrə elmlər doktoru, professor Aytən xanım Mustafazadə açaraq ədliyyə və məhkəmə sistemində keyfiyyətin və səmərəliliyin artırılması istiqamətində çıxış etmişdir.

21 fevral 2018-ci ildə AMEA-nın Hüquq və İnsan Haqları İnstitutu “Tibb hüququ – Azərbaycan hüquq elminin yeni sahəsi kimi” mövzusunda konfrans keçirib. Konfransı giriş nitqi ilə AMEA Hüquq və İnsan Haqları İnstitutunun direktoru, Milli Məclisin deputatı, hüquq üzrə elmlər doktoru, professor Aytən xanım Mustafazadə açaraq dünya ölkələrinin təcrübəsində müstəqil hüquq sahəsi kimi formalaşan tibb hüququ barəsində geniş məlumat vermiş, cəmiyyətdə tibb hüququ sahəsində məlumatların olduqca səthi xarakter daşıdığını və bu fənnin Tibb Universitetində və hüquq fakültələrində tədrisinə ciddi zərurətin olduğunu vurğulamışdır.

“AMEA-nın Hüquq və İnsan Haqları İnstitutu olaraq, biz fiziki imkanları məhdud olan şəxslərin hüquqlarının qorunması ilə bağlı məsələləri daim gündəmdə saxlayır, müvafiq elmi-tədqiqat işləri və qanunların ekspertizasını aparır və tədbirlər təşkil edirik. Bu işlərin davamı olaraq AMEA-nın Hüquq və İnsan Haqları İnstitutu Elmi Şurasının qərarı ilə İnstitutda “Fiziki imkanlari məhdud olan şəxslərin hüquqları” adlı kafedranın açılması məqsədəuyğun hesab edilmişdir”.

14 dekabr 2017-ci il tarixində Birləşmiş Millətlər Təşkilatının (BMT) Azərbaycandakı Nümayəndəliyi və Azərbaycan Respublikası Milli Elmlər Akademiyasının Hüquq və İnsan Haqları İnstitutunun birgə təşkilatçılığı ilə “10 Dekabr Ümumdünya İnsan Hüquqları günü” nə həsr olunmuş beynəlxalq konfrans keçirilmişdir.

30 noyabr 2017-ci il tarixində AMEA Hüquq və İnsan Haqları İnstitutunda tarixçi, politoloq, tərcüməçi, qafqazşünas, pedoqoq və publisist Oleq Yuryeviç Kuznetsova institutun "Fəxri Professoru" adının verilməsi və "XX əsrdə transmilli erməni terrorunun tarixi" adlı kitabının təqdimat mərasimi keçirilmişdir.